सातारा ;राष्ट्रवादीचे माजी मंत्री आणि आमदार शशिकांत शिंदे यांचा जिल्हा मध्यवर्ती बँकेच्या निवडणुकीत एका मताने पराभव झाला. यानंतर शशिकांत शिंदे यांचे कार्यकर्ते आक्रमक झाले आहेत. शशिकांत शिंदे यांच्या कार्यकर्त्यांनी राष्ट्रवादीच्या कार्यालयावर दगडफेक केली आहे. शरद पवार आणि अजित पवार यांच्या आदेशाला केराची टोपली दाखवल्याचा आरोप कार्यकर्त्यांनी केलाय. आमदार शिंदे यांच्या विरोधात त्यांच्याच पक्षातील ज्ञानदेव रांजणे एका मताने विजयी झाले आहेत. या निकालाच्या निमित्ताने साताऱ्यात राष्ट्रवादीमध्ये फुट पडल्याची चित्र स्पष्ट दिसत आहेत.