करोना व्हायरसचा संसर्ग जगभरात पोहोचला आहे. भारतातील अनेक राज्यात या करोना व्हायरसचा संसर्ग झाला आहे. देशातील प्रत्येक जण करोना व्हायरसविरुद्ध लढा देत आहे. परंतु, भारतासाठी एक मोठी आनंदाची बातमी आहे. भारतीय युवा शक्तीने या व्हायरसला रोखण्यासाठी एक जबरदस्त तंत्रज्ञान बनवले आहे. जे अमेरिका, इटली, जर्मनी आणि चीन यासारख्या पुढारलेल्या देशांतील तरुणांना जमले नाही. ते भारतातील युवा तरुणांनी करून दाखवले आहे. जगावर आलेल्या संकटाचा सामना करण्यासाठी भारतातील आयआयटी, एनआयटी, आयआयएससीच्या विद्यार्थ्यांनी, शोधार्थी पासून थेट वैज्ञानिकांनी आपला दिवस-रात्र एक करून काम केले आहे. देशात लॉकडाऊन असल्याने हवे ते उपकरणे मिळाले नाही. तरीही या वैज्ञानिकांनी व विद्यार्थ्यांनी स्वस्तातील पोर्टेबल व्हेंटिलेटर, रोबो, ड्रोन, तपासणी किट, मास्क, सॅनिटायझर, फेसशीट, हातमोजे पासून आरोग्य कर्मचाऱ्यांना पुरवण्यात येणारी पीपीआय किटपर्यंत तयार करून ते भारत सरकारला सोपवले आहेत. करोना रुग्णांची ओळख करण्यासाठी असा एक अॅप बनवला आहे. जो सर्व माहिती सरकार पर्यंत पोहोचण्यास मदत करेल. पाहुयात भारताने करोना विरुद्ध कोणकोणती टेक्नोलॉजी विकसित केली आहे.
आयआयटी दिल्लीच्या एका विद्यार्थ्याने असा अॅप बनवला आहे. जो कोविड-१९ पीडितांच्या संपर्कात आलेल्या रुग्णांची माहिती देईल. आयआयटी दिल्लीच्या डिपार्टमेंट ऑफ डिझाईन मध्ये पीएचडीचे विद्यार्थी अरशद नासर यांनी सांगितलेल्या माहितीनुसार, ‘ब्लूटूथ’ चा वापर करून हे अॅप सर्व व्यक्तींना ट्रॅक करू शकते. तसेच अलर्ट करू शकते. जे गेल्या काही दिवसांत करोना व्हायरसच्या संसर्ग झालेल्या लोकांच्या संपर्कात आले आहेत. किंवा ते त्यांच्या जवळून गेले आहेत. करोनाचा संसर्ग झालेल्या व्यक्तीच्या जवळून या व्यक्ती कधी गेल्या होत्या. याची तारीख व कोणत्या क्षेत्रात ही घटना घडली याची माहिती या अॅपच्या माध्यमातून उघड होणार आहे.आयआयटी रोपडचे बीटेकचा विद्यार्थी साहिर वर्मा यांनी संपर्क ओ-मीटर नावाचे एक मोबाइल अॅप बनवल आहे. जे करोना व्हायरसची लागण झालेल्या क्षेत्रांतील संसर्ग झालेल्या व्यक्तींची ओळख करण्यास मदत करू शकते. तसेच आयआयटी मुंबईचे विद्यार्थी व माजी विद्यार्थ्यांच्या एका टीमने ‘क्वॉरंटीन’ नावाचे एक मोबाइल अॅप बनवले आहे. हे अॅप करोना व्हायरसचा संसर्ग झालेल्या किंवा थोडे लक्षणे आढळणाऱ्या व्यक्तीच्या संपर्कात आलेल्या संसयित व्यक्तींना ट्रॅक करण्याचे काम करणार आहे. जर एखादी व्यक्ती करोना असताना बाहेर पडत असेल तर या अॅपच्या माध्यमातून त्या व्यक्तीला ट्रॅक करण्याचे काम या अॅपच्या माध्यमातून करता येऊ शकणार आहे.आयआयटी रुडकीचे सिव्हिल इंजिनिअरिंग विभागाचे प्राध्यापक करल जैन यांनी एक असा ट्रॅकिंग अॅप विकसित केला आहे. जो करोना व्हायरसला रोखण्यासाठी खूप फायदेशीर ठरणार आहे. या अॅपच्या माध्यमातून करोना पॉझिटिव्ह पासून आयसोलेशनमध्ये पाठवण्यात आलेल्या सर्व व्यक्तींविषयी इंत्यभूत माहिती देण्यास हे अॅप मदत करू शकते. जर जीपीएस डेटा मिळत नसेल तर मोबाइल टॉवरच्या माध्यमातून लोकेशन आपोआप मिळेल. जर एखाद्या ठिकाणी इंटरनेट चालत नसेल तर त्या ठिकाणी एसएमएसवरूनही लोकेशनची माहिती मिळू शकते.आयआयएसी, बेंगळुरूच्या एका टीमने गो करोना गो अॅप विकसित केला आहे. आयआयएससी फॅकल्टीचे सदस्य डॉ. तरुण रंभा यांनी या अॅप विषयी बोलताना सांगितले की, हा अॅप ब्लूटूथ आणि जीपीएसच्या माध्यामाने चालतो. कोविड-१९ चे संसर्ग रुग्णांची ओळख या अॅपच्या माध्यमातून करण्यात येऊ शकते. या अॅपच्या माध्यमातून करोनाच्या संपर्कात आलेल्या व्यक्तीची ओळख करते. त्यामुळे करोना व्हायरसच्या संसर्गात येणाऱ्या व्यक्तीची ओळख करण्यास हे अॅप खूप फायदेशीर ठरणार असल्याचा दावा करण्यात आला आहे.आयआयटीचे रोपडचे प्राध्यापक धीरज कुमार महाजन यांनी करोना व्हायरसपासून बचाव करण्यासाठी दक्षिण कोरियासारखा एक तंबू बनवला आहे. म्हणजेच ९ बाय ८ चा तंबू (प्लास्टिक शीट) बनवले आहे. करोना व्हायरस या तंबूत बाहेर येणार नाही. जी हवा या तंबूतून बाहेर पडेल ती पूर्णपणे ट्रिट होऊन बाहेर पडेल, असा प्राध्यापकाने दावा केला आहे. टेस्टिंग स्टेशन बनवण्यासंबंधीचा पूर्ण अभ्यास झाला आहे. कोरियाने सुद्धा अशीच टेस्टिंग बनवली आहे. व्हायरसला रोखण्यासाठी त्यांना यश आले आहे. करोनाचे रुग्ण या तंबूत ठेवल्यानंतर त्यांच्यापासून कोणालाही करोनाचा संसर्ग होण्याची भीती नाही, असे या प्राध्यापकाने म्हटले आहे.